Aprendemos a convivir

WEBQUEST EN POWERPOINT PARA INVESTIGAR A HISTORIA DAS MULLERES GALEGAS

2012-02-18T02:41:00.009-08:00

Druidas-sanadoras y Parteras

MARIA CASTAÑA

Maria Pita

Isabel Barreto

rosalia de castro

CONCEPCION ARENAL

EMILIA PARDO BAZAN

Xulia Minguillon Maruja Mallo

galegas de actualidade

OUTRO MUNDO É POSIBLE SE QUEREMOS

2012-01-31T14:08:00.001-08:00

LIM de comprensión lectora en galego sobre O GUERNICA, SÍMBOLO EN CONTRA DA GUERRA

2012-01-29T07:21:00.000-08:00

http://www.chiscos.net/xestor/chs/rociomendez/guernica/guernica.html

A FORZA DUN ABRAZO

2012-01-22T06:45:00.000-08:00

CORTO "Y tu de que te ríes"

2012-01-22T06:30:00.000-08:00

¿Y tú de qué te ríes? from cra santa lucia on Vimeo.

Lipdub - IES Alhaken II - ¡Ay! Dolores (Reincidentes)

2011-12-14T14:41:00.000-08:00

V SEMINARIO DE ATENCIÓN EDUCATIVA AO ALUMNADO INMIGRANTE

2011-12-06T05:59:00.000-08:00

Esta Fin de semana estiven no V Seminario de atención educativa ao alumnado inmigrante. Algo que nos recordou J. Antonio Jordán Sierra, profesor da Universidade de Barcelona en relación coa educación intercultural, e que a min me parece clave paraunha integración real da diversidade cultural, é a importancia de traballar as actitudes, que son as que se atopan tras os prexuízos, estereotipos e xuízos etnocétricos. Prestar atención ás actitudes é importante teñamo ou non alumnos e alumnas doutras culturas, porque hoxe en día a nosa sociedade é diversa culturalmnente e trátase de formar persoas para a vida, competentes como cidadáns e cidadás. Resaltou que hai que deixar a un lado a visión pesimista de que as nosas actuacións nas aulas non teñen repercusión na sociedade porque para eses nenos e nenas que temos nas aulas si ten unha influenza, polo menos NON MENOR, que os que reciben do medio social, eso si, tanto de forma positiva (recoñecemento, valoración, autoconfianza,...) como negativa (indiferenza, rechazo, ...).
Non podemos ver aos nosos alumnos e alumnas como uns máis entre todos,como unha masa. Temos que velos e pensar "é o meu alumno/a" e ser sensible ás súas continuas "chamadas", especialmente no caso dos e das máis vulnerables.
Temos que escoitaras súas voces cando nos están dicindo "estou aquí, son... o teu alumno/a, que necesita o teu apoio, a túa axuda".
En alusión a este punto, paréceme fundamental a mensaxe que deixou Emilio García, orintador no IES Agra de Orzán, que resalta a necesidade de ver a diversidade cultural como un RETO, NON COMO UNHA DIFICULTADE.
Foi moi interesante escoitar as aportacións dende a experiencia tantos compañeiros/as.Chamoume a atención a perspectiva que aportou a traballadora social do concello de Arteixo explicando as causas do absentismo entre o alumnado inmigrante, como as ausencias do home do fogar, que levan á muller (en moitísimos casos analfabeta) a recurrir aos fillos e fillas para ir ao supermercado, ao médico, etc. o que leva a reflexionar sobre a importancia de traballar coas familias, algo evidente pero que cada vez se amosa máis urxente e ao que non prestamos sempre a debida atención.
Foi toda unha dose de optimismo escoitar a experiencia de Jowel, un neno de Bangladesh que chegou o pasado curso escola sen coñecer a nosa lingua e que nos contou nun castelán moi correcto e cunha visión moi positiva, a súa experiencia no noso sistema educativo.
Da experiencia de Mª Teresa Domínguez, orientadora no CRA Clara Torres de Tui, quero resaltar a necesidade de non escudarnos no pretexto de que eles/elas mesmos se marxinan porque nós temos que poñer da nosa parte para que non sexa así e conseguir unha convivencia.Resaltar a encomiable tarefa realizada coas mulleres marroquíes para acadar a súa integración e visibilización social das súas aportacións.
Recoméndovos o libro que nos narrou Concepción Costas, "Caixa de cartón", un precioso conto que nos axuda a facer que o noso alumnado e achegue e sensibilice coa realidade da inmigración a través da narración da viaxe dunha nai co seu fillo a outro país atravesando difíciles momentos.

Presentación da psicóloga María López Gozalo de enac sobre A VIOLENCIA DE XÉNERO

2011-12-03T03:08:00.000-08:00

25 noviembre 2011

View more presentations from francesiesalhaken

SEXISMO E PUBLICIDADE DE XOGUETES

2011-11-23T15:24:00.000-08:00

Agora que está cerca a celebración do Día contra a violencia de xénero e as vacacións de Nadal, pode ser de gran utilidade reflexionar cos nosos alumnos e alumnas sobre como aprendemos e interiorizamos estereotipos sexistas a través do xogo e dos xoguetes. Está claro que nos folletos non se di explicitamente que xoguete está orientado para as nenas ou para os nenos, pero formas máis sutiles de influir nos nosos fillos/as.

Escribe qué profesións se potencian nos nenos e cales nas nenas

Para poder reflexionar sobre estos puntos tan só necesitamos uns cantos folletos de publicicidades dos grandes centros comerciais ou das cadeas de xoguetes, que son fáciles de conseguir antes de Nadal.

FELIZ DÍA DO MEDIO AMBIENTE

2011-06-05T12:28:00.000-07:00

Aquí vos deixo unha actividade LIM sobre a reciclaxe.

LIM Medio Ambiente

XORNADAS AXENDA 21 ESCOLAR DE GALICIA

2011-06-04T11:40:00.000-07:00

Esta fin de semana estiven en Santiago nas Xornadas de Axenda 21 escolar de Galicia, o reto de educar na sostenibilidade.
Nestas xornadas ensinánronnos numerosas experiencias relacionadas coa sostenibilidade: análise da biodiversidade, xestión dos residuos, contaminación acústica, uso da auga, o consumismo,...
Estas experiencias sobre a educación en valores sostibles resultáronme moi enriquecedoras pero gustaríame destacar a importancia que tivo na súa realización o traballo en equipo do profesorado e o traballo sobre o entorno próximo, deixando a un lado, polo menos parcialmente, os libros de texto.
Outro aspecto que non quero esquecer é a importancia de buscar a colaboración das familias na vida do centro. As experiencias de axenda 21 amosan parte de todo o positivo que se pode acadar se camiñamos da man, buscando conseguir os mesmos obxectivos, en lugar de continuar mirándonos con desconfianza. As experiencias demostran que é posible.

O CLUBE DAS MULLERES MORTAS

2011-05-17T21:20:00.000-07:00

"El Club de las Mujeres Muertas" Audiovisual parte da Campaña de Comunicación para a Prevención da Violencia de Xénero contra as Mulleres. Oaxaca, 2007.

IGUALES EN LAS TRES MIL: ¿GITANOS APAYADOS?

2011-04-25T02:58:00.000-07:00

IGUALES EN LAS TRES MIL: ¿GITANOS APAYADOS?

RAP CONTRA EL RACISMO

2011-04-23T07:15:00.000-07:00

Falando enténdese a xente...: PARA A REFLEXIÓN... AUTOCRÍTICA DOCENTE...

2011-04-20T16:06:00.000-07:00

Falando enténdese a xente...: PARA A REFLEXIÓN... AUTOCRÍTICA DOCENTE...: "CELEBROUSE OS DÍAS 14,15, E 16 DE ABRIL O II CONGRESO ESCUELA 2.0 EN ZARAGOZA. ESTIVEN MIRANDO ALGUNHAS DAS PRESENTACIÓNS DOS SEUS PONENTES ..."

CÓNTAME UN CONTO

2011-04-12T21:41:00.000-07:00

No blog "Aprendemos desde la diferencia" atopei este precioso poema que vos deixo aquí:

Cóntame un conto
no que non existan princesas.

Cóntame un conto
no que as bruxas fagan conxuros
contra a violencia.

Cóntame un conto
no que o príncipe non teña cor
nin bandeira.

Cóntame un conto de verdade
dos que cren na vida
e son poesía.

8 DE ABRIL DÍA DO POBO XITANO

2011-04-05T02:14:00.000-07:00

O pobo xitano leva convivindo con nós máis de 500 anos, pero seguen a ser os grandes descoñecidos. Eles están en contacto permanente coa nosa cultura, aprenden sobre os nosos devanceiros celtas, romanos, etc. pero... qué sabemos nós da súa orixe? Máis ben pouco.
Isto ten unha dobre consecuencia. Por un lado os xitanos e xitanas ven ao sistema educativo como algo fóra da súa realidade, na que eles e elas non están incluidos. Por outro, o proceso de creación dunha identidade cultural queda relegado ó ámbito familiar.
Partindo destas ideas considerei importante incluir a celebración do Día do Pobo Xitano, 8 de abril, como encargada da dinamización da convivencia no meu centro escolar.
Aquí vos deixos información por se vos interesa ou é de utilidade:

POR QUE CELEBRAMOS O DÍA 8 DE ABRIL O DÍA DO POBO XITANO?
O 8 de abril os principais ríos do mundo levaron no seu leito miles de flores:

-O Ganges na India.
-O río da Prata en Arxentina
-O Miño en Lugo e en Romanía
-O Sena en Francia
-O río Jordán en Israel
-O río Ripoll en Barcelona
-Etc.

Esta ceremonia chámase CERIMONIA DO RÍO. Desta forma todos os xitanos e xitanas do mundo conmemoran o aniversario da súa saída de Punjab (India).
Así o 8 de abril miles e miles de xitanos e xitanas reúnense nas beiras dos principais ríos do mundo, de América a Australia e de Asia a Europa para lanzar ao auga flores e velas en recordo dos seus devanceiros que abandoaron a India buscando un futuro mellor e aqueles que tiveron que sufrir na súa propia pel u odio e os ataques por motivos racistas.
A ceremonia do Río reúne nun mesmo acontecemento a celebración do inicio do camiño e o recordo do todos aqueles que padeceron as dificultades deste longo traxecto.
No colexio fixemos unha Cerimonia do río simbólica, pegando cada un de nós unha flor no mural do río. Despois tivemos o pracer de bailar, cantar e escoitar a historia da poboación xitana da localidade, contada por eles mesmos, aquí vos deixo un vídeo-resumo:

VIVO NUNHA CASA MALVA

2011-03-20T10:10:00.000-07:00

Conto que recorda ás pequenas vítimas da violencia de xénero: aos nenos e nenas que perden o seu dereito á infancia e a ser felices.

El Maltrato "Sutil"

2011-03-15T15:29:00.000-07:00

NO ESTÁS SOLA, SARA

2011-03-13T07:53:00.000-07:00

Hoxe estiven vendo esta miniserie emitida pola 2 de TVE no 2009; creo que constitúe un material moi útil para reflexionar co alumnado de secundaria sobre a violencia de xénero nestas idades, porque parece que sempre pensamos en mulleres de maior idade, pero esquecemos que moitas rapazas están soportando comportamentos que poden acabar en graves episodios de violencia de xénero co tempo.

Basada en feitos reais, "No estás sola, Sara", conta a historia dunha rapaza que ten só 23 anos e participa no seu último día de terapia psicolóxica, dentro dun grupo de mulleres maltratadas física e psíquicamente. Tras anos de terapia, por fin é capaz de verbalizar a súa propia historia, sen que o medo, as emocións e os recordos lle imposibiliten falar.

Fai tres anos, Sara era unha rapaza feliz. Estudiaba xornalismo, gustáballe maquillarse, comprarse roupa, ir ao cine, ler, bailar na discoteca, disfrutar da praia, do sol, poñerse minisaia, sentíase guapa, era feliz. Unha noche, a súa vida crúzase coa de Javier, un rapaz da súa idae, guapo, educado, tímido e cheo de encanto, que a enamora pouco a pouco, colmándoa de atencións.
Pero un día a Javier no lle gusta como lle queda unha minisaia e aconséllalle que non a poña máis. Sara dubida que facer, pero finalmente segue o seu consello. Outro día, molestáballe como a miran outros rapaces. Sara non comprende esos ciumes absurdos pero, á vez, séntese estúpidamente halagada. Outro día, o rapaz rexístralle o bolso e a maleta que vai levar a unha viaxe, outro, espía as súas mensaxes no móvil, outro, prohíbelle que saia cos seus amigos. Desta forma Javier terminará controlando a vida de Sara.
Sara non aguanta máis e enfréntase a Javier. Javier frénaa agredéndoa con brutalidade. Dende ese día todo se convirte nunha espiral de violencia que Sara non sabe como parar. Non quere denunciar á persoa que ama, sinte vergoña e medo e non é capaz de compartilo con ninguén.

MINISERIE SOBRE CLARA CAMPOAMOR, A MULLER ESQUECIDA

2011-03-09T15:20:00.000-08:00

Acabo de ver a miniserie e aplaudo a iniciativa de TVE en pro da difusión da vida de moitas mulleres esquecidas, borradas dos libros de texto, da memoria histórica de moita xente, etc. xa era hora de que por fin as fagamos visibles.
A película biográfica Clara Campoamor, a muller esquecia, que dirixe Laura Mañá, narra o logro da política sufraxista española. O guion, a cargo de Yolanda García Serrano e Rafa Russo, céntrase nos días posteriores á proclamación da República e reproduce as sesións no Congreso nas que Clara Campoamor convenceu á cámara da necesidade de lograr o voto para a muller. Conseguiuno, e dende entón é referente na loita pola igualdade da muller.

DÍA DA MULLER 2011:A muller galega ao longo da historia

2011-03-05T01:20:00.000-08:00

rocio m. on Dipity.

O día 8 de marzo conmemórase o día Internacional da Muller, no centro celebrámolo o 11 de marzo. O Departamento de

Orientación e o Equipo de Dinamización da Lingua Galega elaboraron un vídeo sobre a historia da muller galega ao longo do tempo, dende as mulleres druídas ata a actualidade. Para que fose posible, contamos coa colaboración das rapazas de 5º e 6º de Educación Primaria que aportaron as súas voces para as diferentes mulleres.
Despois de ver o vídeo realizamos diferentes actividades:
- Educación Infantil e o 1º ciclo fixeron actividades elaboradas no centro co LIM sobre a historia da muller galega.
- De 3º a 6º de Primaria os alumnos e alumnas participaron nunha carreira de orientación polas instalacións do centro, na que os alumnos tiñan que ir atopando tarxetas con preguntas sobre o vídeo que tiñan que contestar para poder proseguir buscando tarxetas.

PREXUIZOS

2011-02-21T15:02:00.000-08:00

ACTIVIDADES LIM PARA O 1º CICLO PARA O 8 DE MARZO, DÍA DA MULLER

2011-02-14T04:04:00.000-08:00

ACCESO AO LIBRO LIM

Tamén podedes acceder ás actividades LIM para os maiores no seguinte enlace:
PREME AQUÍ

O meu primeiro libro LIM: Actividades para Infantil para traballar o día da Muller

2011-02-11T04:52:00.000-08:00

ACCEDE AO LIBRO
Estas actividades realizaranse na PDI despois de ver un powerpoint onde con imaxes e sons lles explicamos as diferentes aportacións da muller á historia do pobo galego.

2011-01-21T11:32:00.000-08:00

Enferma na casa sen poder falar decidín ver unha película que me recomendaron fai uns días. La Ola é unha película alemana para ver, pensar, reflexionar e educar, aínda que para min traballando en Educación Primaria, quizais sexa moi complexa, ademais de non estar recomendada para menores de 13 anos, pero sí me parece moi recomendable para a educación secundaria.

O argumento desenvolvese nun instituto onde se realizará a “semana de proxectos”, na que se tratarán as distintas formas de goberno.

O profesor que liderará o grupo de alumnos e alumnas ao que lle tocou a forma de goberno autocrática, é Rainer Wenger, que en principio desexaba realizar o proxecto de anarquía. O grupo de alumnos e alumnas é bastante escéptico de esta forma de goberno, onde moitos ven como improbable que regrese esta forma de goberno totaitaria ao seu país.Pero os rapaces e rapazas comenzarán a forxar un sen darse conta.Como? O profesor inicia un experimento para demostrarlles cómo se chega a manipular ás masas, cómo se crea unha unidade colectiva onde prima o grupo sobre os individuos, cómo se crea unha nova identidade (un símbolo distintivo, un saúdo propio, un uniforme, etc.).
A medida que vai pasando o proxecto escolar, o profesor non advertirá que se lle está indo das mans e que deu pé a un novo movemento.

ACTIVIDADES PARA O DÍA DA PAZ

2011-01-21T08:08:00.000-08:00

No noso cole estamos rematando os últimos preparativos de cara a celbración do día da Paz. As actividades que temos programadas son:
1. Co alumnado de Educación Infantil traballaremos co conto en powerpoint O castelo de area" sobre a necesidade de traballar en equipo en lugar de competir.
2. Co alumnado do 1º ciclo proxectaremos a película "Historia dunha gaivota e do gato que lle ensinou a volar" para debater sobre:
- A amizade entre seres diferentes.
- A defensa do medio ambiente.
- A perseverancia para conseguir as cousas a pesar das dificultades.
- A necesidade de aceptarse a un mesmo.
3. O alumnado de 2º e 3º ciclo vai realizar cómics relacionados co tema da paz.
4. O alumnado de 3º ciclo verá a película de "Cobardes" sobre o tema do acoso escolar. Adxúntovos as activadades de reflexión que realizaremos co alumnado, que traballará en pequenos grupos para facer despois un debate en gran grupo.

Actividades cobardes

View more documents from rociomendezpt.

A nivel de centro todos cantaremos "Este mundo é o que queremos" e leremos un manifesto pola paz que tamén vos deixo aquí.

Manifiesto

View more documents from rociomendezpt.

En relación coas familias, realizamos unha recompilación de lecturas relacionadas coa paz e clasificadas por idades. Podedes vela debaixo.

Orientaciones lectura paz

View more presentations from rociomendezpt.

INVISIBLES

2011-01-19T23:44:00.000-08:00

Vídeo moi interesante sobre a historia do patriarcado e a consecuente invisibilidade da muller explicado de forma moi breve pero ben sintetizado.

UNHA HISTORIA REAL DE AFGANISTAN: La escuela sercreta de Nasreen

2010-11-30T14:22:00.000-08:00

Jeanette Winter ofrécenos este libro para nenos e nenas a partir de 7 anos no que se conta a historia de Afganistán dende a chegada dos talibáns e a consecuente prohibición para as nenas de ir á escola e para as mulleres de saír de casa sen o compañía dun home da súa familia.
Nasreen é unha nena que deixa de falar trala desaparición dos seus pais e a súa avoa decide empezar a levala a unha escola segreda na que descubrirá novos horizontes e unha vida mái aló da que os talibáns lle obrigan a vivir.
No libro atopamos a defensa da liberdade e o dereito á educación para todos e todas.

25 DE NOVEMBRO DÍA CONTRA A VIOLENCIA DE XÉNERO

2010-11-22T21:52:00.000-08:00

Dende a escola debemos aportar o noso grao de area e instaurar dende as primeiras idades relacións equilibradas entre nenos e nenas, rexeitando e reflexionando para cambiar os estereotipos sexistas e as prácticas discriminatorias.

CANCIÓNS CONTRA A VIOLENCIA DE XÉNERO

2010-11-21T16:20:00.000-08:00

DIA DOS DEREITOS DOS NENOS E DAS NENAS

2010-11-18T13:37:00.001-08:00

Con motivo do día dos dereitos do neno e da nena no cole organizamos unha exposición cos dereitos e deberes e con situacións nas que por desgracia non se cumpren, para pensar entre todos e todas como podemos colaborar a cambiar esta situación.

DIA DOS DEREITOS DOS NENOS E DAS NENAS

2010-11-18T13:37:00.000-08:00

El Desafio (Attahaddi) - Curtametraxe de Oscar Berdullas sobre a inmigración

2010-11-11T04:41:00.000-08:00

A curtametraxe trata sobre a decisión de migrar a outro país así como a situación na que se ven moitos inmigrantes que veñen buscando acadar os seus soños e lograr unha vida mellor para eles e as súas familias.

CANCIÓN CONTRA A VIOLENCIA DE XÉNERO

2010-09-27T02:58:00.000-07:00

Canción MIRANDO PA TI cantada por EL ARREBATO.
Unha canción sobre maltrato sufrido por unha muller que se atopa cun amigo que intenta animala a saír desa situación. Aquí tedes o estribillo:

"Y volver a vivir,
mirando pa'ti,
volver a sentirte to' guapa
hacer lo que quieras,
entrar o salir
sin nadie pegado a tu espalda."

Discurso sobre a ablación na película Flor del desierto

2010-05-19T04:32:00.000-07:00

"Aitak" (Papás). Vídeo resumen da curtometraxe "Aitak" da iniciativa Gizonduz "La Igualdad te hace más hombre".

2010-03-31T06:36:00.000-07:00

Once homes vascos reflexionan acerca de aspectos que afectan á igualdade de mulleres e homes: a relación cos nenos e nenas, coas súas compañeiras ou compañeiros e cos seus pais;os seus sentimentos; a implicación no traballo doméstico.

PRESENTACIÓN COMPLETA DO OBRADOIRO DE MEDIACIÓN

2010-03-21T03:37:00.000-07:00

Aquí tedes a presentación completa do Obradoiro de mediación, que abrangue 7 sesións, aínda que non inclúe as actividades prácticas elaboradas co alumnado a partir da análise de casos que van sucedendo do centro no día a día da convivencia entre alumnos e alumnas, mestras e mestres co alumnado.

PRESENTACIÓN POWERPOINT "OBRADOIRO DE MEDIACIÓN"

INICIAMOS O OBRADOIRO DE FORMACIÓN DE MEDIADORES E MEDIADORAS

2010-03-13T01:02:00.000-08:00

Esta semana iniciei a formación de mediadores e mediadoras entre o alumnado de 6º de Educación Primaria no meu centro. Déixovos aquí o material que estou empregando:
- POWERPOINT SESIÓN 1
- POWERPOINT SESIÓN 2
- VÍDEO PARA TRABALLAR CANDO É NECESARIO MEDIAR E CÓMO INICIAR O PROCESO DE MEDIACIÓN

- VÍDEO SOBRE O PROCESO DE MEDIACIÓN E AS HABILIDADES IMPLICADAS

- VÍDEO SOBRE BULLYNG

- VÍDEO LEY DO SILENCIO (Bullyng)

ACTIVIDADE PARA O DÍA DA MULLER SOBRE O REPARTO DAS TAREFAS DOMÉSTICAS PARA EDUCACIÓN INFANTIL

2010-03-06T08:03:00.000-08:00

MUJERES ROIT, biografías de mulleres relevantes ao longo da historia

2010-02-17T22:11:00.000-08:00

Nesta páxina podedes atopar biografías de mulleres silenciadas ou que non recibiron sempre todo o recoñecemento que mereceron ao longo da historia. Poden ser moi útiles para elaborar co alumnado paneis amosando a presenza de mulleres ao longo da historia e a súa contribución ó desenvolvemento da sociedade en cada momento.

MUJERES RIOT

ANUNCIO PARA A EDUCACIÓN SEXUAL

2010-02-07T06:20:00.000-08:00

Tiana y el sapo, unha película de Disney onde as princesas cambian o modelo que ofrecen ás nenas sobre a feminidade

2010-01-03T07:19:00.000-08:00

Disney estrena en Febreiro unha película de princesas onde as mulleres xa non somos damiselas en apuros que esperan un príncipe-salvador. As princesas agora traballan, compatibilizan a vida familiar e laboral e loitan por mellorar e superarse.

Artigo de EL PAIS: Las princesas se ponen a trabajar

CONTO "Gymkana de emociones" de CEPE

2009-12-30T02:10:00.000-08:00

O outro día din cun interesante libro "gymkana de emociones", conto que está especialmente indicado para axudar aos nenos e nenas a poñerse no lugar dos demais e aprender alternativas para solucionar pequenos conflitos cos amigos.
RESUMO- É a primeira vez que Clara acode a un campamento de verán, é o último día e a súa amiga Sofía explícalle que van participar nunha divertida Gymkana que os monitores organizan todos os anos. O grupo de Clara resulta gañador e ao rematar o xogo danse conta de que as pistas do xogo son en si mesmas unha boa estratexia para resolver os problemas cos amigos, polo que Clara decide gardalas para recordalas cando se enfronte a algunha situación que lle resulte complicada de resolver, respondendo ás preguntas: ¿Que ocurriu? ¿Como me sentín? ¿Como se sentiron os demais? ¿Que podo facer a próxima vez?

O conto inclúe tamén consellos para pais e nais e propostas de actividades para reflexionar cos nenos e nenas sobre os problemas, seguindo os pasos-guía do conto e as tarxetas.
Os autores do libro son Carmen Sara Floriano, Fausto Giles, Isabel Orjales e Rubén Toro.Espero que vos sexa de utilidade.

CONTOS INFANTILES PARA DURMIR QUE TRABALLAN OS VALORES

2009-12-23T14:49:00.000-08:00

Páxina con contos infantiles curtos para educar en valores, con todo tipo de personaxes e situacións. Os contos aparecen clasificados por coleccións, valores traballados, personaxes, etc. Os contos podemos atopalos en textos para imprimir ou como audiocontos para poder escoitar.
Para acceder á páxina preme o seguinte enlace:

CONTOS PARA DURMIR

O NADAL NO CEIP DE QUIROGA, UN COLE DIVERSO, UN MUNDO DIVERSO

2009-12-21T20:21:00.000-08:00

PÁXINA DO MINISTERIO DE IGUALDADE

2009-12-15T15:11:00.000-08:00

ACCEDE Á PÁXINA

MALETÍN DE COEDUCACIÓN

2009-12-08T16:55:00.000-08:00

Nesta páxina temos todos un maletín de Coeducación repleto de fórmulas, ideas, suxerencias, técnicas (¡más de 60!) que, aínda que non sexan máxicas nin maxistrais, vannos permitir e facilitar a sensibilización, reflexión, prevención e promoción da igualdade de oportunidades neste gran laboratorio que é a Educación (formal, non-formal e informal).
ACCESO AO MALETÍN

RECURSOS PARA TRABALLAR A COEDUCACIÓN NAS AULAS DE INFANTIL E PRIMARIA

2009-12-08T16:48:00.000-08:00

Na páxina da Aula virtual do CEP Castilleja de la Cuesta podemos atopar o enlace a Educar en y para la igualdad de Juan Béjar con moitos recursos para traballar a coeduación: vídeos para reflexionar, artigos, materiais de formación do profesorado, etc.

AULA VIRTUAL EDUCAR EN PARA PARA A IGUALDADE

25 DE NOVEMBRO Día contra a violencia de xénero

2009-10-31T20:48:00.000-07:00

XOGO DE MSF PARA SENSIBILIZAR SOBRE A DESNUTRICIÓN INFANTIL

2009-10-18T04:37:00.000-07:00

A ONX Médicos Sen Fronteiras creou un xogo chamado“…E comeron felices” mediante o que se pretende que os máis pequenos aprendan xogando e sexan conscientes de que nenos como eles que viven noutras partes do mundo pasan fame e non teñen acceso á comida.

Este xogo forma parte dunha campaña para tratar de axudar a solucionar oproblema da desnutrición que afecta a tantos nenos de países pobres.

Accede dende o seguinte enlace:

E COMERON FELICES

UN XOGO COEDUCATIVO ON LINE PARA TRABALLAR PARA TRABALLAR A CORRESPONSABILIDADE DENDE EDUCACIÓN INFANTIL

2009-10-18T04:32:00.000-07:00

Para acceder ó xogo preme no seguinte enlace:
A FAMILIA BEE COMPARTINDO TAREFAS

EDUCACIÓN EN VALORES da Fundación Televisa

2009-09-24T22:24:00.000-07:00

A Fundación Televisa ofrécenos unha interesante colección de materiales didácticos de apoio para a educación en valores. Entre eles atoparás contos e actividades para traballar 60 valores que se recollen nesta web.

Os valores están organizados alfabéticamente. Dende o menú de cada un accederás, a contos e propostas didácticas, a definicions, frases para la reflexión, ilustracions ou ó calendario escolar de valores.

“Valores” tamén ofrece una guía didáctica para docentes con orientacions, recomendacions y estratexias relacionadas coa educación en valores.

LITERATURA INFANTIL RELACIONADA COA CONVIVENCIA: Poemitas de Carmen Gil

2009-07-22T02:40:00.000-07:00

Carmen Gil ofrécenos nesta páxina poemas sobre temas como a coeducación, a interculturalidade, a educación emocional, os sentimentos, etc. para traballar a literatura dende a perspectiva da educación en valores e a promoción dun clima de convivencia pacífico.
Para acceder á páxina preme sobre a imaxe.

VIDA SIN VIOLENCIA Portal para loitar contra a violencia de xénero

2009-06-22T15:00:00.000-07:00

Web con recursos para enfrontarse e previr a violencia de xénero: libros, enlaces, recursos audiovisuais, etc.
Preme no seguinte enlace:
http://www.guiaviolenciadegenero.com/

EL ÁRBOL ROJO: Un libro sobre a desesperanza

2009-06-13T17:30:00.000-07:00

RESUMO: Ás veces o día comeza vacío de esperanzas, unha rapaza despértase e no seu cuarto caen follas ennegrecidas que ameazan con aplastala. O autor describenos o día da rapaza, retratando un mundo de soños no que o fantástico se transforma en realidade, unha viaxe dende a desesperación á esperanza. A rapaza, sen nome, camiña cabizbaixa poas rúas dun mundo surreal seguida por un gran peixe que flota sobre ela, cando ninguén entende ela está varada preto dun océano pero atrapada nunha botella, viaxa a través dunha paisaxe industrial ameaazadora onde os máis espantosos destinos resultan inevitables. Loita para determinar quen se supón que tes que ser, quén se supón que eres ou dónde estás. Ó final do día, cando parece haber perdido toda ilusión e volve ó seu cuarto atopa unha folla vermella, presente en cada paxina do libro, que coa esperanza convírtese nun vivo árbol vermello.

Descubrín este libro por medio dun compañeiro que supuxo un gran punto de apoio ó longo destes dous anos de traballo e desenvolvemento persoal.É un libro que a pesar da desesperanza, da crenza de que todo vai a peor, transmite optimismo; está repleto de metáforas visuais axudan a entender os estados de ánimo.Gracias Juan!

MÚSICA HIP HOP CONTRA A VIOLENCIA DE XÉNERO

2009-06-07T12:08:00.000-07:00

CURTAMETRAXE VESTIDO NOVO no que se aborda o tema da HOMOSEXUALIDADE

2009-06-06T18:08:00.000-07:00

ESPERANZA POLA NOSA XUVENTUDE

2009-05-17T12:06:00.000-07:00

Os adultos da sociedade actual non son os primeiros en pter expectativas pouco favorables sobre as novas xeracións e o mundo seguiu avanzando.

DÍA DAS LETRAS GALEGAS: NON ESQUEZAMOS ÁS MULLERES

2009-05-13T14:46:00.000-07:00

O día 17 de maio celebramos o día das letras galegas, rememorando ós nosos persoeiros e recuperando parte da historia do pobo galego. Non esquezamos a tantas mulleres que durante anos foron silenciadas. Déixovos aquí un enlace dende o que obter información para "sacar á luz" todas estas mulleres e o seu traballo:

http://www.culturagalega.org/album/detalle.php?id=16

EL MAGREB CON OJOS DE MUJER

2009-05-03T13:21:00.000-07:00

As mulleres magrebíes falan sobre a súa cultura e vida na sociedade do Magreb e desmontan falsos mitos. Pode descargarse material moi interesante para traballar nas aulas como contos tradicionais do Magreb que permiten analizar valores.

PREME SOBRE A IMAXE PARA ACCEDER Á PÁXINA.

Na parte dereita do meu blog deixo un enlace permanente xunto con outros enlaces con recursos de interculturalidade.
Grazas a Rosana e Isabel do blog Cuaderno Intercultural por descubrirme recursos tan interesantes.

VÍDEO SOBRE AS MULLERES CHIIÉS BAIXO O REXIME TALIBAN. SOBRECOLLEDOR!!!

2009-05-03T05:43:00.000-07:00

WEB CON PUBLICACIÓNS SOBRE INTERCULTURALIDADE E ENSINANZA DA LINGUA CASTELÁ

2009-05-01T11:13:00.000-07:00

http://practicaseneducacion.org/
Prácticas en Educación é unha plataforma virtual creada para dar resposta ós profesionais da educación e impulsar a edición de publicacions que den a coñecer o traballo diario do profesorado.

UN VÍDEO PARA REFLEXIONAR SOBRE A CREACIÓN DE ESTEREOTIPOS DISCRIMINATORIOS

2009-04-11T04:22:00.000-07:00

CURTOMETRAXE PARA TRABALLAR OS PREXUIZOS SOBRE OS CHINESES E CHINESAS

2009-04-08T03:38:00.000-07:00

IDEA obtida do Blog de "Cuaderno Intercultural". Grazas por descubrirme tantas cousas.

NOVOS BLOGS E VÍDEOS SOBRE A SITUACIÓN DE MOITAS NAIS E AMAS DE CASA

2009-03-29T14:07:00.000-07:00

Recoméndovos que lle botedes un ollo ós blogs que acabo de engdir á miña lista de blogs relacionados coa convivencia, a maioría están relacionados coa coeducación pero podemos atopar recursos utlizables para educación para a cidadanía, celebracións como o día da muller, para o Plan de Acción Titorial, etc.
Nestas páxinas atopei este vídeo que foi nominado ós premios Goya no ano 2005; foi realizado polos alumnos da escola de arte ESDIP sobre a vida de moitas das nosas nais como amas de casa:

CONTOS DO MUNDO

2009-03-29T10:07:00.000-07:00

Déixovos aquí un enlace moi intersante para obter contos tradicionais de diferentes países dos que poden chegar alumnos e alumnas que temos nas aulas:
http://translate.google.com/translate?u=http%3A%2F%2Fwww.xtec.es%2Frecursos%2Fcultura%2Fcontes%2Farreu%2Findex.htm&sl=ca&tl=es&hl=es&ie=UTF-8

TRABALLO DE INVESTIGACIÓN DE 5º DE PRIMARIA: MOVEMENTOS MIGRATORIOS DO NOSO ENTORNO

2009-03-29T09:54:00.001-07:00

Navegando pola páxina de aula intercultural atopei esta investigación realizada por un grupo de alumnos e alumnas de 5º de primaria sobre os movementos migratorios que pretende axudar a comprender os motivos deste fenómeno e eliminar estereotipos. Déixovos aquí o enlace:
http://www.juntadeandalucia.es/averroes/sanwalabonso/uudd/migracion/index.htm

Este tipo de traballos ademais de proporcionar unha educación en valores poden ser moi interesantes á hora de enfocar o currículo por competencias onde traballamos todas as competencias nunha soa área. Por exemplo:
- Competencia matemática: análisis de táboas de poboación, planificación da recollida de datos, etc.
- Coñecemento e interacción co medio físico e social: a información que van obtendo é a estrutura da poboación do seu entorno próximo.
- Compentencia lingüística: redacción do informe cos datos obtidos, realización de entrevistas, etc.
-Autonomía e iniciativa persoal e aprender a aprender: planificación do noso traballo, organización dos datos que imos obtendo, etc.

UNHA OBRA LITERARIA NA QUE AS MATEMÁTICAS SE RELACIONAN COA HISTORIA E COA VIDA.

2009-03-26T14:15:00.000-07:00

Nínguén dubida da importancia dos materiais que non traballan os contidos dunha sola área, que son interdisciplinares e, sobre todo, que se relacionan coa vida cotiá. Este libro pode proporcionar os nosos alumnos e alumnas unha fantástica experiencia para reflexionar sobre numerosos aspectos da cultura árabe, por exemplo as aportacións desta cultura ó mundo occidental, o poder que no seu momento tivo o califato de Córdoba, etc. Pero tamén aborda temas moi interesantes como a intolerancia relixiosa fronte á ciencia, a necesidade de diálogo entre culturas, etc. de forma que constitúe un instrumento intersante para a educación en valores.

No seguinte enlace podes consultar un pequeno resumo e recensión do libro realizado por José María Sorando.
http://divulgamat.ehu.es/weborriak/PublicacionesDiv/Libros/LiburuakDet.asp?Id=78

VÍDEO PARA TRABALLAR A VIOLENCIA DE XÉNERO

2009-03-11T18:40:00.000-07:00

Este vídeo dirixido por Marisa Crespo e Moises Romera de tan so 3 minutos ábrenos múltiples vías para traballar a violencia de xénero:
- Co alumnado da ESO na titoría, na materia de educación para a cidadanía,...
-Co profesorado, concienciando sobre a existencia desta problemática.
- Cos pais e nais, en escolas de pais por exemplo, reflexionando sobre a transmisión de modelos e roles ós nenos e nenas.
O curto podedes encontralo en you tube co nome de "papas e mamás".

CAMPAÑA MUNDIAL POR LA EDUCACIÓN. Loita contra o analfabetismo

2009-03-09T14:35:00.000-07:00

La Campaña Mundial por la Educación (Global Campaing for Education) es una coalición internacional formada por ONGs, sindicatos del entorno educativo, centros escolares y movimientos sociales de muy diverso signo. Todos nosotros coincidimos en reclamar el cumplimiento íntegro de los compromisos de la "Cumbre de Dakar" del año 2000, donde la comunidad internacional se comprometió a garantizar el acceso a una educación de calidad para todos y todas antes del año 2015.

La Campaña Mundial por la Educación nació para que este compromiso internacional valioso y necesario no pasara desapercibido. Por eso, su objetivo es movilizar a la ciudadanía para que exijan a sus gobiernos y a la comunidad internacional que cumplan sus promesas y se responsabilicen del destino de millones de personas a los que se excluye del derecho a la educación.

La Coalición Española de la Campaña Mundial por la Educación está formada por Ayuda en Acción, Educación Sin Fronteras, Intermón Oxfam y Entreculturas, quien asume la coordinación de la misma.

Vídeo para o día da muller elaborado dende o CEIP Baamonde

2009-03-01T15:38:00.000-08:00

Vídeo de Andaluna e Samir (JUNTA DE ANDALUCÍA) sobre a IGUALDADE DAS PERSOAS EXTRANXEIRAS

2009-03-01T13:38:00.000-08:00

VÍDEO DE ANDALUNA ELABORADO POLA JUNTA DE ANDALUCÍA SOBRE A IGUALDADE ENTRE NENAS E NENOS

2009-03-01T13:22:00.000-08:00

VÍDEOS PARA TRABALLAR NO DÍA DA MULLER

2009-02-25T05:34:00.000-08:00

O MEU NOME EN EXIPCIO

2009-02-23T08:40:00.000-08:00

Tu nombre en jeroglífico:
rocio.
Crea el tuyo desde aqui!!
Podes crear nomes en forma de xeroglíficos da escritura exipcia no seguinte enlace:
http://www.desarrollosdg.com.ar/educativos/comunicacion/traductor.php?hoja=1

MATERIAL CREADO PARA AMBIENTAR O NOSO COLE O DÍA DA MULLER

2009-02-23T06:49:00.000-08:00

Por Qué Se Celebra o dÍa Internacional Da Muller

Publish at Scribd or explore others: Other Academic Work brasil peru

Historia 8 Marzo

Publish at Scribd or explore others: Presentations & Slid 2008 culture

O ENTROIDO NAS DIFERENTES CULTURAS DO CENTRO

2009-02-19T17:02:00.000-08:00

No cole cremos importante que as alumnas e alumnos que chegan doutros países, atopen referencias ás súas culturas de orixe no centro. Ademais, con estas pequenas accións damos a coñecer outras costumes e culturas ó resto do alumnado.
Este ano contamos con dúas nenas procedentes de Colombia no centro, polo que elaboramos uns paneis informativos sobre os aspectos máis relevantes do entroido no seu país, que é unha das celebracións máis importantes ó longo do ano.

PROVERBIO CHINO unha curtametraxe sobre a discriminación das persoas pola cor da súa pel e a súa orixe

2009-02-15T05:54:00.000-08:00

EL VIAJE DE SAID un corto para traballar a inmigración e as dificultades que atravesa a xente que abandona os seus países

2009-02-15T05:25:00.000-08:00

Un corto para traballar como os soños das persoas que emigran para mellorar a súa vida se convirten en dificultades, soidade e exclusión.
Premio Goya 2007 Mellor Curtametraxe de Animacion
Director: Coke Rioboo

Recompilación de recursos sobre culturas de orixe do alumnado en CUADERNO INTERCULTURAL

2009-02-11T08:59:00.000-08:00

Dende o blog de CUADERNO INTERCULTURAL publican unha recompilación dunha serie de recursos accesibles vía Internet que aportan información acerca das culturas de orixe maioritarias do noso alumnado.

INTERCULTURALIDAD E ESCOLA. EXPERIENCIAS DE TRABALLO NOS CENTROS

2009-02-11T08:53:00.000-08:00

Aula intercultural pon en marcha unha web para difundir iniciativas interculturais que están poñendo en marcha os centros públicos españois para mellorar a convivencia, evitar a segregación e o illamento, incluir e normalizar todas as diferenzas e enriquecerse delas.

O DÍA DA PAZ NO COLE

2009-01-30T08:47:00.000-08:00

No meu centro de traballo, o CEIP de Baamonde celebramos o Día da Paz recordando a Indira Gandhi e a todos e todas as que loitaron ó longo da historia pola Paz, os maiores de 4º, 5º e 6º recitaron poemas relacionados coa Paz, nos corredores do colexio podiamos ler frases de Gandhi que nos facían reflexionar sobre a Paz e formamos entre todos a palabra PAZ para cantar a canción de Rosario "No dudaría". Ademais a música de Radio-Patio amenizounos con cancións sobre a Paz, a Igualdade, etc. durante o tempo de lecer.

COMO COMPORTARSE NOS DIFERENTES PAÍSES DO MUNDO. GUÍAS DE COSTUMES CULTURAIS

2009-01-30T08:38:00.000-08:00

Guías en inglés con información sobre as principais pautas de conduta social de 200 países.

O CEIP SAN WALABONSO (Huelva) crea un blog con motivo do día da Paz

2009-01-19T14:06:00.000-08:00

No blog os alumnos e alumnas van deixando mensaxes sobre a paz, os mestres e mestras propoñen actividades a través de WebQuest, proporcionan enlaces para xogos relacionados coa paz, etc.
Enlace á páxina do CEIP Walabonso

A IMPORTANCIA DA IMAXE. Transmisión de valores a través de mensaxes visuais

2009-01-11T06:00:00.000-08:00

As mensaxes visuais que están presentes nos centros teñen moita máis importancia da que lle damos en ocasións. No CEIP de Baamonde, o centro no que estou na actualidade destinada, quixemos sacarlle partido a información visual que forma parte do currículum oculto para traballar aspectos como a solución de conflitos elaborando carteis como o que se ve na primeira imaxes, a educación en valores, o respecto pola diferencia (non había case imaxes de nenos e nenas doutras razas, etnias, con diversidade funcional, etc.), a educación emocional (o mural aparece na segunda fotografía), etc.

Estas imaxes están colocadas nos lugares nos que o alumnado pasa tempo esperando e pode fixarse máis tempo.

OS CADERNOS DE TITORÍA como facilitadores da comunicación entre o equipo docente en cuestións de convivencia e normas.

2009-01-11T05:46:00.000-08:00

Para que o clima de convivencia nun centro sexa positivo a comunicación é clave. No noso centro o Claustro de mestras e mestres é pequeno, somos 10 este ano, pero o habitual é contar con 6-7 docentes. Aínda así hai ocasións nas que é necesaria unha maior intercomunicación entre titores/as e especialistas,especialmente en relación co comportamento do alumnado e o cumprimento das normas de convivencia.
Para facilitar esta comunicación empezamos a traballar cos CADERNOS DE TITORÍA, que non son máis que axendas nas que o docente que está nese momento co grupo pode deixar recollido por escrito as situacións, actitudes, etc. que lle parezan relevantes sobre un alumno/a en concreto ou sobre todo o grupo. Desta forma todo o profesorado que imparte docencia ó grupo ten a posibilidade de coñecer os incidentes máis relevantes, algo especialmente importante para o titor/a, sobre todo á hora de avaliar. O cederno de titoría acompaña sempre ó grupo nas diferentes dependencias do centro.É un alumno/a o encargado de levar o caderno e entregarllo o mestre ou mestra co que van estar durante a sesión, cando non están na súa aula de referencia.
Estes cadernos tamén facilitan a labor da persoa encargada da convivencia, xa que os nenos e nenas que acuden a realizar actividades de reflexión sobre a convivencia e as normas traen consigo o caderno de titoría no que se explica o motivo polo que debe realizar dita actividade de reflexión.

Xogos para a cooperación e a paz

2009-01-06T16:48:00.000-08:00

Diferentes xogos de presentación, coñecemento, afirmación, etc.

SANCIÓNS EDUCATIVAS

2009-01-02T08:42:00.000-08:00

As medidas que forman o Plan de Convivencia do noso centro teñen ou pretenden ter unha orientación educativa, de forma que o alumnado vaia adquirindo habilidades, destrezas e competencias como resultado da posta en marcha das diferentes accións.
A actuación co alumnado que non cumpre as normas do centro e da aula tamén debía ter esta finalidade, de forma que non só pretendiamos sancionar, senón que a sanción debía educar. Non queriamos que simplemente se adicasen a facer copias ou estar sentado sen facer nada. Desta forma apareceron as fichas de reflexión sobre a convivencia e as normas que podemos ver nas imaxes. Así, o alumnado que é sancionado ten que elaborar unha pequena reflexión a partir de fichas nas que se recollen situacións ben ficticias ou reais (que se deron con anterioridade no centro).

Cando o incumprimento das normas é reiterado ou cando a conduta é moi grave a ficha que debe elaborar ten que recoller unha reflexión sobre a súa conduta que deberá ser firmado polos pais, o que tamén serve para manter comunicación coas familias sobre os aspectos relacionados coa convivencia do seu fillo ou filla.
Estas fichas son diferentes en función da idade: os máis pequenos deixan reflectido o que pasou a través dun debuxo e da resposta a dúas preguntas e os maiores fan esta reflexión por escrito.

UN VÍDEO PARA REFLEXIONAR SOBRE A CONVIVENCIA ENTRE CULTURAS. A PRESENCIA DOS VELO NOS CENTROS EDUCATIVOS.

2009-01-02T07:22:00.000-08:00

O FALADOIRO. UN ESPAZO NO CENTRO PARA FOMENTAR A COMUNICACIÓN E A SOLUCIÓN PACÍFICA DO CONFLITOS.

2009-01-02T06:54:00.000-08:00

Este é o FALADOIRO, un espazo que creamos no centro co obxectivo de axudar ó alumnado a resolver con autonomía os seus conflitos e de potenciar a escoita activa, respectando os turnos da comunicación.
Cando o alumnado fai uso deste espazo non conta coa intervención dun adulto, que actúa a modo de árbitro ou de xuíz, según as circunstancias do momento, senón que a través do diálogo ten que buscar o acordo para solucionar de forma pacífica a situación conflitiva na que se atopa; pretendemos que desta forma o alumnado vaia adquirindo unha maior autonomía na xestión dos conflitos.
O faladoiro ten unhas normas, só se pode falar cando se está sentado na cadeira que ten enriba a boca, e na cadeira que ten a orella debe escoitar. Para poder cambiar os papeis deben cambiar de cadeira.
Pode facerse uso do faladoiro cando dous nenos ou nenas o solicitan, ou ben pode ser un adulto o que os envíe a solucionar un conflito, cando observa que para solucionar un problema non se están respectando as regras da comunicación.
Unha vez que se chega ó acordo, os nenos/as teñen que deixar unha mensaxe con recomendacións ou consellos para os compañeiros e compañeiras en relación co problema que acaban de solucionar. Esta mensaxe queda no taboleiro que está ó lado do faladoiro.

PLAN DE CONVIVENCIA NO MEU CENTRO DE TRABALLO

2009-01-01T17:06:00.000-08:00

Preséntovos un esquema de como se articula o Plan de Convivencia no meu centro de traballo, o CEIP de Baamonde. Pouco a pouco ireivos explicando en que consisten cada unha das medidas que forman o continum de accións relacionadas coa convivencia.

Lecturas para traballar valores na educación infantil

2008-12-29T14:15:00.000-08:00

A editorial SM, presenta unha serie de libros para traballar en valores cos máis pequenos.

Traballar as habilidades emocionais nos casos de TEA

2008-12-28T07:00:00.000-08:00

Ideas para traballar a comprensión e expresión emocional con alumnos con un Trastorno do Espectro Autista especialmente útil co Síndrome de Asperger.

Programa para traballar as relacións entre o alumnado e mellorar a convivencia

2008-12-28T06:48:00.000-08:00

ieSocio é unha ferramenta que avalía as relacións entre compañeiros. Mide distintos indicadores sobre convivencia e métodos sociométricos. Utiliza as novas tecnoloxías, o que permite a recollida de información dun modo eficaz.